Hjortejakta 2002:
Hausten 2002 vart ein fin jaktsesong med mykje flott jaktver og mykje hjort i Heimsetemarka. Vi hadde fellingsløyve på sju vaksne dyr av kvart kjønn pluss fem kalvar. I skrivande stund manglar vi eitt vakse hanndyr og tre kalvar. Sistnemnde har vi bestemt oss for berre å skyte dersom kalvar har kome bort frå mora og går att åleine. Det hender at kalvar vert morlause, og ganske ofte vert dei jaga bort frå mora i brunsttida.
Den 5. oktober var ein stor dag med fire felte dyr på morgonøkta (femgreinar,
gjeldkolle, kolle og kalv) og to
på ettermiddagen (beinhynnel og fjorkolle). Alt saman naturlegvis skote i Åsane som
definitivt er beste jaget vårt.
Framme frå v.: Geir, Tor, Bård med Netta og Vemund. Bak.: Asle, Øyvind, Jon, Torleiv,
Vidar, Hogne og Erik.
Vemund gjorde ein god jaktsesong med ein firegreinar, ein tregreinar og ei
gjeldkolle, alle pent ekspedert med eitt skot i kvar.
Jaktlaget i Heimseta legg stor vekt på skikkeleg slakting og kjøtstell som ein
naturleg del av jakta.